(انة المجروح)
كلمات:ابوصلاح
الحان:الحاج محمد احمد سرور
انة المجروح يا الروح حياتك روح
الحب فيك يا جميل معنى الجمال مشروح
الحب لهيب في الجوف زي الزناد مقدوح
منه الجبابرة تلين لي صوت بلابل الروح
وتحاببوا النسمات تفضل معاه تروح
ومن نغمة الاشواق ومحاسن الممدوح
وانشد فؤادي الضال بين الرياض مذبوح
وارى الهلال في ظلال تلك الخميلة يلوح
سحر العيون بجمال لي سواه ما ممنوح
حورية في السودان بحبي ليك ابوح
ياعنب جناين النيل أتمنى منه صبوح
انا بهدي ليك الحب حب من فؤاد مجروح
حب الشحيح للمال حب الجبان للروح
من الوله للقلك دمي العزير مسفوح
ناقم على الايام مع انو طبعي صفوح
انا والخيال في جدال وانت في نداك بتموح
كلما النسيم يغشاك زي الحديقة تفوح
الناس تحب رؤياك بالخاطر المشروح
يامن تسر رؤياك تفرح تنسى النوح
تكسو النهار بجمال خديك جمال ووضوح
منه الغزال تقف في موقف المفضوح
ان لو ضمنت رضاك اكون سعيد ممنوح
يا ملفت الانظار يا بسمة المفروح
ان كان تميس بنميـس وان كان تموح بنموح
عدل الطبيعة جعل جور الحبيب مسموح
