محمد علي ابوقطاطي شاعر كبير في خارطة الشعر السوداني
من مواليد ام درمان منطقة كرري العجيجة ولد في العام 1931م يمتاز شعره بالبساطة والقوة
كتب الشعر الوطني والعاطفي والحماسي ..
بداياته وككل الشعراء الافذاذ كانت اشعاره مناهضة للإستعمار الانجليزي انذاك
وقد كتب الكثير من الاشعار في ذلك:
ومنها:
جانا دخيل عينهو خدر
خلا حياتنا جحيم وجمر
وقلنا نعيش عشرين في تربة
ولا نديهو ريال في طلبه
عشان بيناتنا يحس بالغربة
وغيرها الكثير
شكل ثنائية مع الفنان الكبير وردي وقد تغني له كثير من الفنانين السودانيين
هذه سيرة بسيطة للشاعر الكبير ابوقطاطي
وقد كتب قصيدة الفينا مشهودة والتي اصبحت انشودة وطنية وقد كتبها ردا علي من طعن
في قبيلة الجموعية الذي وصف الجموعية بقطاع الطرق :
وقد قال
الفينا مشهودة عارفانا المكارم أنحنا بنقودا
والحارة بنخوضا
******
الزول بفتخر يباهي بالعندو
نحن أسياد شهامة والكرم جندو
ما في وسطنا واحداً ما انكرب زندو
البعجز بيناتنا بنسندو
الليلة بنخوضا
******
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الليلة بنخوضا
*****
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة
نسأل الله ان ينعم علي الاستاذ ابوقطاطي بوافر الصحة والعافية..
