الزائر الكريم نرحب بك فى دارك منتديات الجموعيه ، اذا لم تكن عضوا نتمنى ان تتضافر جهودك معنا بلم شمل الجموعيه وتسجيلك معنا يسعدنا وان كنت عضوا سعدنا بعودتك وطلتك وندعوك للتفضل بالدخول



 
الرئيسيةالتسجيلدخول

شاطر | 
 

 ساااااااااااااااااااااااااااامحنى واصفففففففففففففففففففح ياحبيب

اذهب الى الأسفل 
كاتب الموضوعرسالة
حنان عثمان
عضو جديد
عضو جديد


تاريخ التسجيل : 14/01/2010
عدد المساهمات : 4
العمر : 27
الموقع : جده

مُساهمةموضوع: ساااااااااااااااااااااااااااامحنى واصفففففففففففففففففففح ياحبيب   الخميس يناير 14, 2010 11:49 pm


سامحني واصفح يا حبيب ساقوني منك بالغصب
ندمانا لى سيبتك براك تتباكى في نص الدرب
طمنى حالك انتى كيف وألبى يهون مهما صعب
انا اصلى زول إحساس مات من بدري معتادى الضرب
كم مرة شانك يامناى من حنضل الالام شرب
من خشمى تتقاطر دماي لو جبت سيرتك بالكذب
نفوني من نص الديار يوم عرفوا أنى أنا ليك بحب
لكنى كل ما زاد بعادي لقيته شخصك لى قرب
سجنونى بين اربع حيط زربونى من جهتك زرب
لكنى شايفاك كل يوم هل طيف خيالك يحتجب
طالونى بالليد والسان ما فى شيئا ما سلب
غير حبك الما قدروا يوم يصلوهو ما ساكن القلب اغرب
شى انى انا بى وراك بنزل واتهان ولنضرب
لكنى فى لحظة لقاك بنساهو زى الكان لعب
وريتن انى انا لى حبيب لو خنتو بشعر بالذنب
ساقينى راوينى المحبة ومن حنانو كمان شرب
ياخوية زى ريدك وليداك وبرضى للمريود بحب
والله لو حاس بالعلى مابترضى بيتنا يتخرب
زى ماب تدور لهم السمح لى برضوا خير الدنيا حب
لكنى القى الدايرة وين من ناس معين خير نضب
بالشورة زى بيعت الملح باعونى فى السوق بالجلب
ما راعوا لى امى الدوام تتباكى شانى وتحتجب
ياريتلى زول بالجتة بس بارنك الروح والقلب
انا قلبى ما فارق ضراك ما اظنه من بعدك كسب
متحملى الام براى شايلى الهموم ما بتنحسب
ما لقيت زول حس العلى قاسمنى همى معاى تعب
عرفت صح الم الضرب مابحسه زول غير الضرب
الغربة كيف وعزاب ه ما مابيطراء الا المغترب
فوضت لى الله الامر وكتين من التحنيس غلب
مظلومة والمظلوم دعوتة من الاله مابتنحجب

*****
بكتبلك اسع مصبرة وماسكه القلم
بكت لك اسع والقليب مجروح يعانى من الالم
مكتوبى من شهر العسل شهر المرض شهر السجم
ملفوفه فى كفن الزفاف والحنه فى ايدى دم
مرقت من سجن الطقاء وقعت فى الذل والوهم
قبلت بالوقع المرير امنت بامر القسم
قبلت بالدايرنى لى كم قبلى مظلوم انظلم
ويئست من عيشة عذاب رامانى فى زول ما رحم
انسانة صرت بلا طموح بلا مبادى بلا قيم
قنعت من الرحمه تب بس فيك ما انقطع العشم
ولا زلت ياك مالك القليب رقم انوا امرى انا انحسم
ما زلت افخر بيك واقول انت الحبيب فى كل ملم
ما زلت باسمك بصيح لو حتى ساكت اتهجم
وبقوله قدام اى زول ما خايفه اصلو الموت هو كم ؟
وآخر رسالتى بطمنك ارجوك ما تشيل لى هم
خليك فى عهدك معاى ارجانى لا تفوت بالسام
احفظنى فى جواك فرح .. بلسم تداويبو الالم
زى حفظى ليك بين الضلوع انتى وقليبى جم جم
اخوانى سيبهم يفرحوا انا جرحى لسع ما التئم
يمكن ضميرهم يوم يحس ويعرفوا انى انا الإنظلم
ويعودوا شان يبنو الوقع كيفن بيبنو الانهدم؟
ديل ناس هوايتهم الظلم ديل خلوا عيشتى بلا طعم
ما سوو بى حكم العقل ما بيندم الليهز احتكم
الناس بتنقاس بالعقول ما بالجلاليب والعمم
انا ماسكى فى حبل الصبر فى الله املى ما اتعدم
الرجوع الى أعلى الصفحة اذهب الى الأسفل
جعفربدرى
Admin
Admin
avatar

تاريخ التسجيل : 25/07/2009
عدد المساهمات : 161
العمر : 61

مُساهمةموضوع: رد: ساااااااااااااااااااااااااااامحنى واصفففففففففففففففففففح ياحبيب   الأحد يناير 24, 2010 6:43 pm



تسلمى اخت حنان قصيده كاربه لكن ربنا يكفى شبابنا الشواكيش واذا حصل المقدر الصبر الصبر الجرسه ما بتحل ما الحصل حصل مع تحياتى

_________________
[b]جعفر بدرى الأمين بدرى
تلفون 0922002015
الرجوع الى أعلى الصفحة اذهب الى الأسفل
http://algamoueiya.ahlamontada.net
thoiba elssadeg babker
عضو جديد
عضو جديد


تاريخ التسجيل : 01/08/2010
عدد المساهمات : 14

مُساهمةموضوع: رد: ساااااااااااااااااااااااااااامحنى واصفففففففففففففففففففح ياحبيب   الجمعة سبتمبر 17, 2010 11:09 am

تسلمي يا نونة قصيدة جميلة لكن سيظل الامل باقي
الرجوع الى أعلى الصفحة اذهب الى الأسفل
 
ساااااااااااااااااااااااااااامحنى واصفففففففففففففففففففح ياحبيب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الجموعية :: الجموعيه التاريخ والموروثات :: منتدى حـــــــــواء الجموعــــــــيه-
انتقل الى: